იაპონია / ამომავალი მზის ქვეყანა

გაინტერესებს იაპონური კულტურა? გასტრონომია და ისტორიები? – წამოგვყევი საინტერესო ტურში, რომელსაც მეგზურობას გოგა ჩანადირი გაუწევს

6 ნოემბერი / დღე 1 / ტოკიო
ჩასვლა ტოკიოში ნარიტას აეროპორტში (17:55 საათზე), დაგვხვდება ტრანსფერი და გავემგზავრებით სასტუმროში. ნომრებში განთავსების დაცოტაოდენი დასვენების შემდეგ (მსურველები) გავისეირნოთ ანდა ვივახშმებთ სასტუმროს სიახლოვეს, ხოლო მოგვიანებით დავბრუნდებით სასტუმროში, კარგად დავისვენებ-გამოვიძინებთ და მოვემზადებით მეორე დღის – ქალაქ ტოკიოს დასათვალიერებლად.

7 ნოემბერი / დღე 2 / ტოკიო
სასტუმროში საუზმის შემდეგ ტოკიოს ერთ-ერთი ყველაზე ცნობილ სავაჭრო უბანს – გინზას Ginza მიმართულებით გავისეირნებთ, რომელიც ცნობილიათავისი ძვირადღირებული მაღაზიებით/ბუტიკებით, ასევე ცნობილი კვების ობიექტებით, რესტორნებით და ღამის ცხოვრებით.

შემდეგი ადგილია: იაპონიის იმპერატორის მთავარი რეზიდენცია – საიმპერატორო სასახლე, ეს არის დიდი კომპლექსი, რომელიც გარშემორტყმულია თხრილებითა და მასიური ქვის კედლებით და მდებარეობს ტოკიოს შუაგულში. სასახლე იაპონიის მნიშვნელოვანი კულტურული და ისტორიული სიმბოლოა, რომელიც წარმოადგენს იაპონიის მრავალსაუკუნოვან ისტორიას და მემკვიდრეობას.

სასახლის ტერიტორიაზეა:
* ჩოვადენის მისაღები დარბაზი: გამოიყენება ოფიციალური ცერემონიებისა და მიღებებისთვის
* East Gardens (Higashi Gyoen): აქ მოგხიბლავთ ულამაზესი პეიზაჟები, ედოს ციხის ნარჩენები და სეზონური ყვავილები (ეს ბაღები ღიაა საზოგადოებისთვის და უფასოა შესვლა – დაკეტილია ორშაბათს და პარასკევს)
* ფუკიაჟის ბაღი: კერძო ბაღი, რომელსაც იმპერატორის ოჯახი იყენებდა/ისვენებდა
* კიტანომარუს პარკი: მდებარეობს ჩრდილოეთით, ოდესღაც სასახლის მოედნის ნაწილი და ახლა საჯარო პარკია, სწორედ აქ მდებარეობს მეცნიერების მუზეუმი და თანამედროვე ხელოვნების ეროვნული მუზეუმი (მსურველებს შეეძლებათ თავისუფალ დღეს ესტუმრონ, სურვილის შემთხვევაში)
* აღმოსავლეთის ბაღები: ღიაა საზოგადოებისთვის, ამ ბაღებში არის ედო ციხის ნარჩენები, მათ შორის თხრილები, კედლები და კარიბჭეები.

შემდეგ გზას განვაგრძობთ და შევჩერდებით 333 მეტრი სიმაღლის ტოკიოს კოშკთან, რომელიც იაპონიის ერთ-ერთი ყველაზე საკულტო ღირსშესანიშნაობაა, ასევე ტოკიოს ომის შემდგომი აღორძინებისა და მოდერნიზაციის სიმბოლოა. პარიზში ეიფელის კოშკის მოდელის მიხედვით ტოკიოს კოშკი არის როგორც საკომუნიკაციო, ასევე სადამკვირვებლო და გვთავაზობს ქალაქის პანორამულ ხედებს.

კოშკის შემდეგ კი ვესტუმრებით ინსტალაციების ინოვაციურ მუზეუმს, რომელიც ცნობილია თავისი ჩაძირული დაინტერაქტიული ციფრული ხელოვნების ინსტალაციებით, რომელიც ხიბლავს ყველა ასაკის აუდიტორიას.

ემოციებით დატვირთულნი გავემგზავრებით ჰარაჯუკუს რაიონში, გავისეირნებთ მოდურ უბან ომოტეზე, რომელსაც ხშირად მოიხსენიებენ როგორც”ტოკიოს ელისეს მინდვრებს”. ხეებით გაფორმებული გამზირი / ქუჩა განთქმულია მაღალი დონის მაღაზიებით, მოდური კაფეებითა და თანამედროვე არქიტექტურით.

ვესტუმრებით მეიჯი ჯინგუს, ეს არის ხმაურიანი ქალაქის შუაგულში მდებარე წყნარი ოაზისი, რომელიც ერთ-ერთი ყველაზე მნიშვნელოვანი და ცნობილი შინტოს სალოცავია ტოკიოში.

გავისეირნებთ ტოკიოს ერთ-ერთი ყველაზე ცოცხალ და ენერგიულ უბან შიბუიაში, რომელიც ცნობილია სავაჭრო, კვების ობიექტებით და ღამის ცხოვრებით. შიბუია არის ტოკიოს საუკეთესო კლუბების სახლი, როგორიცაა WOMB და Sound Museum Vision, სადაც შეგიძლია იცეკვოთ მთელი ღამის განმავლობაში.

შიბუიაზე  ვეწვევით ცნობილ ჰაჩიკოს ქანდაკებას, პატივი ერთგული ძაღლისადმი, რომელიც ყოველდღე ელოდებოდა პატრონს შიბუიას სადგურზე. ეს არის პოპულარული შეხვედრის ადგილი და ერთგულების სიმბოლო.

გადავკვეთავთ მსოფლიოში ყველაზე დატვირთულ ქვეითთა გადასასვლელს (გზაჯვარედინს), სადაც ერდროულად ასობით ადამიანი კვეთს ყველავმიმართულებით, აქ შექმნილი „ქაოსი“ კი ძალზედ საინტერესო სანახავია.

საღამოხანს გვექნება ვახშამი, ადგილობრივ, ტრადიციულ სუშიროს რესტორანში უგემრიელესი სუშის მისართმევად
დაბრუნება და ღამისთევა ტოკიოში

8 ნოემბერი, დღე 3 /  ტოკიო
სასტუმროში საუზმის შემდეგ გავემგზავრებით (მეტრო/ავტობუსი) 634 მეტრი სიმაღლის ტოკიოს სამაუწყებლო ტელეანძაზე (tokyo skytree) ასასვლელად, რომელიც არის ყველაზე მაღალი ნაგებობა იაპონიაში და სიმაღლით მეორე მსოფლიოში, საიდანაც გვექნება საშუალება დავტკბეთ ტოკიოს პანორამული ხედებით.

გზას ლამაზი ადგილებით ცნობილ უბან ასაკუსაში განვაგრძობთ, რომელიც ცნობილია ასევე მდიდარი კულტურული მემკვიდრეობით, ისტორიული ადგილებით და ცოცხალი უბნებით. ასაკუსა პოპულარული და საყვარელი ადგილია ისეთი ტურისტებისთვის, რომლებიც ცდილობენ შეიგრძნონ ტრადიციული იაპონური კულტურა.

შემდეგ კი ვესტუმრებით სენსო-ჯის ტაძარს, რომელიც ტოკიოს უძველესი და ყველაზე ცნობილი ბუდისტური ტაძარია, რომელიც ყოველწლიურად მილიონობით ვიზიტორს იზიდავს. სენსო-ჯის ტაძრის გვერდით მდებარეობს შინტოს სალოცავი, რომელიც ცნობილია თავისი ყოველწლიური Sanja Matsuri ფესტივალით.

საფეხმავლო ექსკურსიას განვაგრძობთ უენოს პარკის მიმართულებით, რომელიც ცნობილია ალუბლის ყვავილებით, მრავალი მუზეუმითა და კულტურული დაწესებულებით. აქვეა უენოს ზოოპარკი, სადაც მრავალფეროვანი ცხოველი ცხოვრობს, მათ შორის გიგანტური პანდები. გზად პარკში შესვლამდე კი გავივლით Ameya-Yokocho Market (Ameyoko): ხმაურიანი ბაზრის ქუჩას, რომელიც ცნობილია მრავალფეროვანი ტანსაცმელისა და აქსესუარების მაღაზიებით.

შემდეგ მეტრო/ავტობუსით გავემგზავრებით ცნობილ, მრავალფეროვან, ენერგიულ და (სადგურის) მიწისქვეშა სავაჭრო ცენტრების
უბან შინჯუკუში. სურვილის შემთხვევაში, შეგვიძლია ავიდეთ ტოკიოს მეტროპოლიტენის მთავრობის შენობის 45-ე სართულზე, საიდანაც ტოკიოს განსაცვიფრებელი პანორამული ხედები მოსჩანს, ამბობენ ნათელ დღეებში ფუჯის მთაც კი შეგიძლიათ ნახოთო.

გვექნება თავისუფალი დრო / საღამო / ღამისთევა ტოკიოში

9 ნეომებრი / დღე 4 /  კამაკურა
ამ დღეს გვექნება გასვლითი ექსკურსია ისტორიული და უძველესი ტაძრების ქალაქ კამაკურაში, რომელიც მდებარეობს კანაგავას პრეფექტურაში, ტოკიოს სამხრეთით. კამაკურა ცნობილია თავისი მდიდარი კულტურული მემკვიდრეობით, ულამაზესი ტაძრებითა და ბუნებრივი პეიზაჟებით და პოპულარული ადგილია როგორც ტურისტებისთვის, ასევე ადგილობრივებისთვის. ქალაქში არის მრავალი ტაძარი, სალოცავი და ისტორიული ადგილი, რომლებიც ასახავს იაპონიის კულტურულ და რელიგიურ ისტორიას.

კამაკურაში მოვინახულებთ:
* ცურუგაოკა ჰაჩიმანგუს სალოცავს: – ეს მთავარი შინტოს სალოცავი ეძღვნება ჰაჩიმანს, სამურაების მფარველ ღვთაებას. სალოცავის ტერიტორიაზე ვნახავთ ხიდებს და ისტორიული ნაგებობებს;
* Engaku-ji Temple: – გამოჩენილი ზენის ბუდისტური ტაძარს,  დიდი ზარით და ლამაზი ბაღებით, ასახავს ზენ ბუდიზმის სტილსა და პრინციპებს, რომელიც დაარსდა 1282 წელს.
* დიდი ბუდა (დაიბუცუ): ჰასე-დერას ტაძარში მდებარე მასიური ბრინჯაოს ქანდაკება დაახლოებით 13,35 მეტრზე სიმაღლისაა. რომელიც აშენდა1252 წელს და არის კამაკურას საკულტო სიმბოლო და მთავარი ღირსშესანიშნაობა.
* Hase-dera Temple: – ცნობილია Kannon-ის (მოწყალების ქალღმერთის) დიდი ქანდაკებით, ულამაზესი ბაღებითა და კამაკურას პანორამული ხედებით. მოიცავს ულამაზეს ბაღს და მუზეუმს ბუდისტური არტეფაქტებით.
* ჰოკოკუ-ჯი ტაძარი (ბამბუკის ტაძარი): – ტაძარს ასევე აქვს ტრადიციული ჩაის სახლი, სადაც შეგიძლიათ მიირთვათ ჩაი ბამბუკის ტყის ხედით

საღამოხანს დაბრუნება ტოკიოში და თავისუფალი დრო / საღამო
ღამისთევა ტოკიოში

10 ნოემბერი / დღე 5 / ჰაკონე და აშის ტბა
ჰაკონე, ეს არის პოპულარული საკურორტო ქალაქი, რომელიც მდებარეობს კანაგავას პრეფექტურაში, ცნობილი თავისი ცხელი წყლებით, ბუნებრივი სილამაზითა და კულტურული ღირსშესანიშნაობებით, რას ვნახავთ/გავაკეთებთ ჰაკონეში:

* ჰაკონეს ღია ცის ქვეშ მუზეუმი: აქ ვნახავთ მთელს მსოფლიოში ცნობილი მხატვრების მიერწარმოდგენილ თანამედროვე და თანამედროვე სკულპტურების უზარმაზარ კოლექციას, ულამაზეს ბაღებს და პეიზაჟებს.
* ოვაკუდანის ველი: ვულკანური ველი აქტიური გეოთერმული აქტივობით და გოგირდის წყლები.
* ჰაკონეს საბაგიროდან დავტკბებით ხეობისა და ფუჯის მთის განსაცვიფრებელი ხედებით.
* მსურველებს შესაძლებლობა გექნებათ დააგემოვნოთ გოგირდის ცხელ წყაროებში მოხარშული Kurotamago კურო-ტამაგო, ეს აქაურობისთვის პოპულაურლი, აუცილებლად დასაგემოვნებელი შავი კვერცხებია, რომელსაც წყაროს წყლების სიცხეში ორთქლზე ადუღებენ, რაც მოხარშვის შემდეგ, მას მისთვის დამახასიათებელ სუფთა-შავ ნაჭუჭს აძლევს. ასეთი ლეგენდაა: – ერთ კვერცს მაინც თუ მიირთმევ, სიცოცხლე შვიდი წლით გაგიხანგრძლივდებაო.
* ჰაკონე-ჯინჯას სალოცავი: მდებარეობს აშის ტბის სანაპიროზე, აშენებულია აშის ტბის ნაპირზე 1260 წელზე მეტი ხნის ისტორიით და ცნობილიათავისი საკულტო ტორიის კარიბჭით, რომელიც ტბაზე ცურავს. სწორედ ამ ადგილიდან იშლება ულამაზესი ხედები და გვექნება შესაძლებლობა საოცარი ფოტოსესიის მოსაწყობად.
* აშის ტბა (აშინოკო): ვულკანური აქტივობის შედეგად წარმოქმნილი თვალწარმტაცი ტბა, ნათელ დღეებში გვთავაზობს მთა ფუჯის ულამაზეს ხედებს.
* კრუიზი: საბრძოლო ხომალდებით შთაგონებული (ან ტრადიციული) ინტერიერით გაფორმებული გემით გვექნება კრუიზი აშის ტბაზე, და გვექნება შესაძლებლობა დავტკბეთ მთა ფუჯის შესანიშნავი ხედით, რომელიც ირეკლება ტბის სუფთა ზედაპირზე და ტბის მიმდებარე ულამაზეს ბუნებაზე.

დაბრუნება და ღამისთევა ტოკიოში

11 ნოემბერი / დღე 6 / ტოკიო – კიოტო
ტოკიოს სასტუმროში საუზმის შემდეგ გავათავისუფლებთ/დავტოვებთ ნომრებს და წავალთ ტოკიოს სადგურამდე, საიდანაც სწრაფი მატარებლით კიოტოს მიმართულებით გავემგზავრებით და 475 კილომეტრის დასაფარად დაგვჭირდება 2 საათი 12 წუთი. კიოტოს სადგურიდა ტრანსფერი  ჩვენს სასტუმრომდე. ნომრებში განთავსების და ცოტაოდენი დასვენების / სადილის შემდეგ გვექნება საფეხმავლო ექსკურსია:

* კიომიძუ-დერა – კიომიზუ-დერა: ტაძარი განსაკუთრებით ლამაზია ალუბლის ყვავილობისა და შემოდგომის ფოთლების სეზონზე, ტაძრის მთავარი დარბაზის გამოსასვლელიდან კი იშლება კიოტოს ულამაზესი პანორამული ხედები.
* კიომიძუ-შორო (ზარის სამრეკლო) დაარსდა 778 წელს და შეტანილია იუნესკოს მსოფლიო მემკვიდრეობის ძეგლთა დაცვის სიაში
* ნინენზაკა და სანენზაკას ისტორიული მნიშვნელობის და ქვით მოპირკეთებული საცალფეხო ქუჩები, ცნობილი თავისი არქიტექტურით
*  იასაკას სალოცავი: გიონის სამხრეთ ბოლოში მდებარე იასაკას სალოცავი არის მთავარი შინტოსული სალოცავი, რომელიც ცნობილია თავისი ძლიერი ფესტივალებით, განსაკუთრებით გიონ მაცური ივლისში. სალოცავის ტერიტორია დიდია და მოიცავს ულამაზეს ბაღებსა და ისტორიულ ნაგებობებს.
* გიონის უბანი: ეს არის ადგილი, სადაც შეგიძლიათ შეიგრძნოთ ძველი კიოტოს ისტორიული ატმოსფერო, შეხვდეთ საღამოხანს ქუჩებში მოკუსკუსე გეიკოს (კიოტოს დიალექტი – გეიშას) და მაიკოს (შეგირდ გეიშას).
* ჰანამიკოჯის ქუჩა: გიონის გული, ტრადიციული ხის მაჩიას სახლები დღემდე ფუნქციონირებს როგორც რესტორნები, ჩაის სახლები და ექსკლუზიური დაწესებულებები გეიკოს გასართობისთვის. ეს გიონის ყველაზე ცნობილი ქუჩაა და განსაკუთრებით ლამაზი საღამოობით, როცა ლამპიონებია ანთებული.

დაბრუნება და ღამისთევა კიოტოს სასტმროში

12 ნოემბერი / დღე 7 / კიოტო
მთელი დღე კიოტოში, ეს არის ქალაქი, რომელიც მდიდარია ისტორიით, კულტურით და ბუნებრივი სილამაზით და მრავალი ატრაქციონებით.
სასტუმროში საუზმის შემდეგ ვესტუმრებით ნიშიკის ბაზარს, რომელიც კიოტოს ერთ-ერთი ყველაზე ცნობილი ტრადიციული კვების ბაზარია და მას ხშირად მოიხსენიებენ როგორც “კიოტოს სამზარეულოს”.

ბაზარს 400 წელზე მეტი ხნის ისტორია აქვს, რომელიც მე-14 საუკუნის დასაწყისში დაიწყო როგორც თევზის ბაზარი, შემდგომ კი დროთა განმავლობაში გადაიქცა სრულმასშტაბიან ბაზრად საკვები პროდუქტების (ადგილობრივი დელიკატესების) დიდი ასორტიმენტის გამო. აქ შეგვიძლია მივირთვათ/ვიყიდოთ: ცოცხალი ზღვის პროდუქტები, ბოსტნეულის მწნილი (ცუკემონო), მაჩა და ჩაის პროდუქტები, იაპონური დანები და ა.შ.

შემდეგ ვესტუმრებით კიოტოს საიმპერატორო სასახლეს, რომელიც კიოტოს ერთ-ერთი ყველაზე მნიშვნელოვანი ისტორიული ადგილია და იყო იაპონიის იმპერიული ოჯახის რეზიდენცია, სანამ დედაქალაქი ტოკიოში გადავიდა 1869 წელს. სასახლე მდებარეობს კიოტოს იმპერიულ პარკში.

შემდეგი მოსანახულებელი ადგილი – ნიჯოს ციხე, რომელიც კიოტოს ერთ-ერთი ყველაზე შთამბეჭდავი ისტორიული ღირსშესანიშნაობაა და აღიარებულია იუნესკოს მსოფლიო მემკვიდრეობის ძეგლად. 1603 წელს აშენებული ციხე განთქმულია ულამაზესი ბაღებით და შთამბეჭდავი არქიტექტურით, რომელიც კიოტოს რეზიდენციას ემსახურებოდა.

კინკაკუ-ჯი, ცნობილია როგორც ოქროს პავილიონი და არის კიოტოს ერთ-ერთი ყველაზე ცნობილი და საკულტო ღირსშესანიშნაობა. ეს არის ზენის ბუდისტური ტაძარი, რომელიც თავდაპირველად აშენდა 1397 წელს შოგუნი აშიკაგა იოშიმიცუს მიერ, როგორც საპენსიო ვილა. პავილიონი ცნობილია განსაცვიფრებელი ზედა ორი სართულით დაფარული ოქროს ფოთლით. პავილიონის არქიტექტურა აერთიანებს შინდენის, სამურაის და ზენის სტილის ელემენტებს, თითოეული სართული წარმოადგენს განსხვავებულ არქიტექტურულ მიდგომას.

კინკაკუ-ჯიში ვიზიტის შემდგომ დავბრუნდებით ჩვენი სასტუმროს სიახლოვეს მდებარე ჰიგაშიამას უბანში, რომელიც არის კიოტოს ერთ-ერთი ყველაზე კარგად შემონახული ისტორიული უბანი და შესანიშნავი ადგილია ტრადიციული ძველი კიოტოს გასაცნობად, სადაც ვიწრო ჩიხები, ხის შენობები დატრადიციული სავაჭრო მაღაზიები ქმნის ძველი დედაქალაქის წარმოდგენას, სადაც მრავლადაა პატარა მაღაზიები, კაფეები და რესტორნები, რომლებიც საუკუნეების განმავლობაში ემსახურებიან ტურისტებს, აქ შეგვიძლია შევიძინოთ იაპონური ჭურჭელი, ტკბილეული, ხელნაკეთობები და სხვა სუვენირები.

თავისუალი საღამო და ღამისთევა კიოტოს სასტმროში

13 ნოემბერი / დღე 8 /  კიოტო – ოსაკა – ნარა
სასტუმროში საუზმის შემდეგ გავემგზავრებით ოსაკას მიმართულებით, სადაც მოვინახულებთ ოსაკას ციხეს, რომელიც იაპონიისერთ-ერთი ყველაზე ცნობილი ღირსშესანიშნაობა, გარშემორტყმული ულამაზესი პარკით. გვექნება შესაძლებლობა დავტკბეთ ქალაქის პანორამული ხედებით, გავისეირნოთ ნიშინომარუს ბაღში, რომელიც განსაკუთრებით განსაცვიფრებელია ალუბლის ყვავილობის სეზონზე, თუმცა, ულამაზესია შემოდგომის ფოთოლცვენის დროს.

შუადღისთვის გავემგზავრებით ნარაშ, რომელიც იაპონიის უძველესი დედაქალაქი, კულტურული და ისტორიული მნიშვნელობით მდიდარი ქალაქია. ნარა ცნობილია თავისი კარგად შემონახული ტაძრებით, სალოცავებითა და ულამაზესი პარკებით.

* კოფუკუ-ჯის ხუთსართულიანი ტაძრის კომპლექსი პაგოდით, სიმაღლით მეორე იაპონიაში. ისტორიული ეროვნული საგანძურის მუზეუმია, სადაც განთავსებულია მნიშვნელოვანი ბუდისტური ქანდაკებები და არტეფაქტები.
* ტოდაი-ჯი ტაძარი იუნესკოს მსოფლიო მემკვიდრეობის ძეგლთა დაცვის სიაშია და იაპონიის ერთ-ერთი ყველაზე ცნობილი ტაძარია.
* ბუდას დიდ დარბაზში (დაიბუცუდენში) განთავსებულია ბუდას უზარმაზარი ბრინჯაოს ქანდაკება და ნანდაიმონის კარიბჭე თავისი შთამბეჭდავიმფარველი ქანდაკებებით.
* ნარას პარკი: ნარას ცენტრში მდებარეობს ნარას პარკი, სადაც ათასზე მეტი თავისუფლად მოძრავი ირემი ბინადრობს, რომელთა კვება სპეციალური ირმის კრეკერებით (shika senbei)-ია შესაძლებელი, გაზაფხულზე ალუბლის ყვავილებით ხოლო შემოდგომაზე ფოთლებით.
* კასუგა ტაიშას სალოცავი: იუნესკოს მსოფლიო მემკვიდრეობის ძეგლი და მნიშვნელოვანი შინტოს სალოცავია. აქ ნახავთ ასობით ბრინჯაოს და ქვის ფარანს, რომლებიც ანთებულია მხოლოდ ფარნების ფესტივალის დროს, რომელიც იმართება თებერვალსა დააგვისტოში

დაბრუნება და ღამისთევა ტოკიოში სასტუმრო

14 ნოემბერი / დღე 9 / კიოტო – ტოკიო
სასტუმროში საუზმის შემდეგ გვექნება თავისუფალი დრო საყიდლებზე გასასვლელად, შეგომ დავტოვებთ ნომრებს და გავემგზავრებით კიოტოდან ტოკიოში სწრაფი მატარებლით აეროპორტის მიმართულებით. ტურის დასრული და ფრენა/დაბრუნება სამშობლოში

მოგზაურობის პერიოდი: 6-14 ნოემბერი
9 დღიანი სრული საგზურის ღირებულება შეადგენს 8800 ლარს და ღირებულებაში შედის:
🔸 ფრენა კატარის ავიახაზებით: თბილისი-ტოკიო-თბილისი
🔸 5 ღამე ტოკიოს და 3 ღამე კიოტოს სასტუმროში განთავსება (საუზმე)
🔸 ბილეთები: ტოკიოს კოშკი (Tokyo Skytree), ციფრული ხელოვნების მუზეუმი, სწრაფი მატარებელი (შინკანსენი) ტოკიო-კიოტო-ტოკიო, შიდაგადაადგილების დროს გამოყენებული ყველა ბილეთი, იქნება ეს მეტრო თუ ავტობუსი
🔸 ტრანსფერები: ტოკიოს აეროპორტიდან სასტუმრომდე, ტოკიოს სასტუმროდან ტოკიოს სადგურამდე, კიოტოს სადგურიდან კიოტოს სასტუმრომდე დაუკან
🔸 გასვლითი ექსკურსიები და გამოყენებული ტრანსპორტის ბილეთები (სატრანსპორტო მომსახურება): 1. ტოკიოდან კამაკურაზე და უკან; 2. ტოკიოდანჰაკონეზე და უკან; 3 კიოტოდან ოსაკასა და ნარაში
🔸 ვახშამი სუში-რესტორანში
🔸 მეგზური, გოგა ჩანადირის მომსახურება
🔸 ტოკიოში მცხოვრები ადგილობრივი ქართველი გამყოლის მომსახურება (კამაკურასა და ჰაკონეზე)
🔸 სამოგზაურო დაზღვევა