logo
ტურისტული კომპანია ,,გუდ თრეველი’’ არის სწრაფად მზარდი და ერთ-ერთი წარმატებული კომპანია, რომელსაც ტურისტულ ბაზარზე აქვს 10 წლიანი გამოცდილება, ოფისები თბილისში და ქუთაისში.
ბოლო სიახლეები
+995 32 2 300 700
info@goodtravel.ge
|
|
Top
 

ბლოგი

4 Aug

ბჰარატ მატას ტაძარი და სარნათჰი

ბჰარატ მატას ტაძარი ინდუისტური რელიგია გამოირჩევა ღვთაებათა სიმრავლით, რომელთა პატივსაცემად ქვეყნის მასშტაბით აურაცხელი ოდენობის სალოცავია აღმართული. ბევრი მათგანი ერთმანეთს ჰგავს, თუმცა ინდოეთში არსებობს მხოლოდ ერთი უნიკალური ტაძარი, სადაც არცთუ ისე ჩვეულ კერპებს ეთაყვანებიან. ბჰარატ მატა მანდირი (სიტყვასითვით ნიშნავს ინდოეთის დედის ტაძარს) მდებარეობს მაჰათმა განდის კაში ვიდიაპიტის კამპუსში, ქალაქ ვარანასიში. მის იატაკს ამშვენებს უზარმაზარი მარმარილოს ტოპოგრაფიული რუკა. სალოცავი ააგო უნივერსიტეტის დამფუძნებელმა, ინდოეთის თავისუფლებისა და დამოუკიდებლობისათვის მებრძოლმა ბაბუ შივა პრასად გუპტამ. ტაძრის მშენებლობა მიმდინარეობდა 1918-1924 წლებში, იგი ოფიციალურად გახსნა მაჰათმა განდიმ. სწორედ იქ მოხდა მისი ინაუგურაცია. ცნობილმა ინდოელმა პოეტმა, რაშტრაკავიმ, ამ შემთხვევასთან დაკავსირებით...

2 Aug

განსაკუთრებული ღირებულების მქონე ადგილები და ნაგებობები ინდოეთში

ინდირა განდის სახელობის მემორიალური მუზეუმი   ინდირა განდი ინდოეთის გამოჩენილი პოლიტიკოსი იყო, რომელმაც ჩამორჩენილი ქვეყნისგან აღმოსავლეთის მარგალიტი შექმნა. ადგილობრივი მოსახლეობის უმრავლესობა მათ თანამედროვე, აყვავებულ სამშობლოს სწორედ ამ დიდებული ქალბატონის სახელს უკავშირებს. მის საპატივცემულოდ აგებული სახლ-მუზეუმი დიდ, თმცა საკამდო უბრალოდ თეთრ შენობაშია განთავსებული, რომელიც ინდირას პრემიერ-მინისტრობის განმავლობაში მის რეზიდენციას წარმოადგენდა. განდი ბავშვობიდანვე ოცნებობდა ადამიანების დახმარებასა და მისი სამშობლოს დამოუკიდებლობაზე. ინდოეთის პირველი პრემიერ-მინისტრის, ჯავაჰარლალა ნერუს ქალიშვილს მამის მსგავსად პატრიოტული სულისკვეთება ამოძრავებდა. ინდირა განდიმ მისთვის მისაბაძ მაგალითად ქცეული მშობლის გარდაცვალება მძიმედ გადაიტანა, თუმცა ახალგაზრდა ქალი მორალურად არ გატყდა, მალევე მან პარლამენტში იყარა კენჭი. ის "ინდოეთის...

1 Aug

ხაჯურაჰოს სატაძრო კომპლექსი

  ხაჯურაჰოს სატაძრო კომპლექსი ინდოეთის ერთ-ერთი ყველაზე ცნობილი ღირსშესანიშნაობაა, რომელიც მდებარეობს მადჰია-პრადეშის შტატში, დელიდან სამხრეთ-აღმოსავლეთით. დღემდე შემონახული 25 ტაძარი 1986 წლიდან შეტანილია იუნესკოს მსოფლიო მემკვიდრეობის ობიექტთა სიაში, ისინი ააგეს IX-X ასწლეულებში. თქმულების თანახმად, ხაჯურაჰოში თავდაპირველად 85 საეკლესიო ნაგებობა იყო აღმართული. არქეოლოგიური გათხრების დროს აღმოაჩინეს მრავალრიცხოვანი ნანგრევები, თუმცა მხოლოდ მათი ნაწილის აღდგენა მოხერხდა. ხაჯურაჰო ცივილიზაციისგან მოშორებით მდებარეობს, აქ შემორჩენილია ველური ბუნების კუთხე, სადაც ჯერ კიდევ ბინადრობენ ვეფხვები და სხვა გარეული ცხოველები. ეს პატარა ქალაქი სიცოცხლის ნამდვილი ოდაა ყველა თავისი გამოვლინებით, იქ სიხარულისა და სიყვარულის ყველაზე დახვეწილი გამოხატულებები ქვაშია გაყინული, ისინი უკვდავყოფილია მოქანდაკეთა...

25 Jul

ინდოეთის გამორჩეული ღირსშესანიშნაობები

ქუთუბ-მინარი ქუთუბ-მინარი მსოფლიოში ყველაზე მაღალი აგურის მინარეთია. იგი აიგო დელის სულთანატის მმართველთა რამდენიმე თაობის მიერ. ქუთუბ-მინარი წარმოადგენს ულამაზესი რელიგიური შენობების ანსამბლს. მეჩეთის კოშკი თარიღდება ინდოეთში მუსლიმთა მმართველობის დასაწყისით. მინარეთ მდებარეობს სხვადასხვა ეპოქის ისტორიულ ძეგლთა კომპლექსის შუაგულში. 72,6 მ სიმაღლის მქონე აგურის მეჩეთის კოშკი დაცულია იუნესკოს მიერ, როგორც მსოფლიო მემკვიდრეობის ობიექტი. ავღანურის ჯამის მინარეთით მოხიბლულმა ინდოეთის პირველმა მაჰმაიდანმა მმართველმა - კუტბ უდ-დინ აიბეკმა, 1193 წელს დაიწყო ქუთუბ მინარის მშენებლობა, თუმცა მხოლოდ მისი საძირკვლის დასრულებაღა შეძლო. 1368 წელს მუსლიმი ხელისუფლის მემკვიდრემ - ფირუზ-შაჰ-ტუგლაკმა ააგო მინარეთის მეხუთე და უკანასკნელი იარუსი. ხალხის სალოცავად მოწოდების გარდა, ქუთუბ-მინარი...

18 Jul

ინდოეთის მომნუსხველი ადგილები

ლალ-კილა ლალ-კილა, იგივე წითელი ფორტი, დიდი მოგოლთა ეპოქის ისტორიული ციტადელია დელიში, რომელიც 1652 წელს ააგეს. მონღოლთა იმპერატორ შაჰ-ჯახანის (ბაბურიდების იმპერიის პადიშაჰი) ბრძანებით, ეს უზარმაზარი ციხე-სიმაგრე ააშენეს ადგილობრივი წითელი ქვიშაქვისგან. იგი წარმოადგენდა გამარგებული დედაქალაქის- შაჰჯაჰანაბადის სასახლეს. ლალ-კილა იყო იმპერატორთა მთავარი რეზიდენცია ორი ასწლეულის განმავლობაში, 1856 წლამდე. 2007 წელს წითელი ფორტი იუნესკოს მსოფლიო მემკვიდრეობის ობიექტი გახდა. ციხე-სიმაგრის დიზაინი ეკუთვნის არქიტექტორ უსად ახმად ლახურს, რომელმაც აგრეთვე ააგო ტაჯ-მაჰალიც. დიდ მოგოლთა (მუღალის იმპერია) სხვა ფორტებისგან განსხვავებით, ლალ-კალის კედლები ასიმეტრიულია და აღმართულია ძველი ციხის (სალიმგარჰის) ადგილას. შაჰ-ჯაჰანის მემკვიდრემ - აურანგზებმა ციტადელს შეჰმატა მარგალიტის მეჩეთი და ასევე...

9 Jul

იტალიის თვალწარმტაცი ქალაქები და სოფლები

კოლოდი იტალიელებს სახეზე ღიმილი ეგვრებათ ხოლმე ამ ტოსკანური სოფლის სახელის ხსენებაზე. ბავშვობაში ყველას უკითხავდნენ თუ უყვებოდნენ ზღაპრებს. ერთ-ერთი ყველაზე ცნობილი ხალხური თხრობითი ნაწარმოები ვიწრო და გაჭიმულ ბორცვზე განლაგებულ, მცენარეთა სიმწვანეში ჩაფლულ და მცხუნვარე ტოსკანური მზით ნაალერსები სოფლის სახელს უკავშირდება. კოლოდის ერთ-ერთი მკვიდრის ვაჟმა დაწერა ისტორია გრძელცხვირა ხის ბიჭუნაზე. იგი ლორენცინის გვარს ატარებდა და მან დონ კორლეონეს მსგავსად ფსევდონიმი დედის დაბადების ადგილის სახელწოდებიდან აიღო და გახდა კარლო კოლოდი, პინოქიოს ავტორი. სოფელ კოლოდის შესახებ არსებული პირველი ცნობები მე-12 საუკუნით თარიღდება. ის დღემდე კარგად შემოინახა, მიუხედავად იმისა, რომ გაცილებით მძლავრი ქალაქების, ლუკისა და ფლორენციის ინტერესთა...

1 Jul

იტალიის ულამაზესი ტბები

კომო ლომბარდიის ჩრდილოეთით, შვეიცარიის საზღვართან ძალიან ახლოს გადაჭიმულია კომოს ტბა. მისი წყლები ძვირფასი ქვასავით ბრწყინავს ალპების მთის ძირში. ფუმფულა ღრუბლების ჩარჩოში ჩასმული ამაღლებული ადგილის პეიზაჟები შთაგონების წყაროა მწერლების, მხატვრებისა და კინოინდურსტრიის მუშაკთათვის. მდიდრული ვილები, მოწესრიგებული პარკები და მთის ტბის ალერსიანი ტალღები დამსვენებლებს ღვთაებრივ ნეტარებას ანიჭებს. კომო სიდიდით მესამე ტბაა იტალიაში. წყალსაცავი ერთობ უჩვეულო სილუეტით გამოირჩევა, მას ოროლი ფორმა აქვს. ტბა შუა ნაწილში ორ დაკლაკნილ ტოტად იყოფა. კომოს ჩრდილო განშტოებას კოლიკო ჰქვია, სამხრეთ-აღმოსავლეთის მკლავს - ლეკო, ხოლო სამხრეთ-დასავლეთის ტოტს - კომო. წყალსატევი განკუთვნილია თევზჭერისათვის, ალპური მთისწინეთის თბილი კლიმატი ადგილობრივ მოსახლეობას ხმელთაშუა ზღვის კულტურების...

27 Jun

რომის გამორჩეული ღირსშესანიშნაობები

კოლიზეუმი კოლიზეუმი, იგივე ფლავიუსის ამპითეატრი ძველი რომის არქიტექტურული ძეგლია. ეს გრანდიოზული ნაგებობა მდებარეობს რომში, ესკვილიის, პალატინისა და ცელიუსის ბორცვებს შორის არსებულ დაბლობზე. ასეთი კოლოსალური ნაშენის აგების იდეა გაუჩნდა იმპერატორ ვესპასიანეს მისი წინამორბედების არქიტექტურული ექსცესების ფონზე. ა.წ. 68 წელს ტახტიდან ჩამოგდებულმა იმპერატორმა ნერონმა დატოვა მდიდრული ოქროს სასხლე (ნერონის "ოქროს სახლი" - "Domus Aurea") და არაერთი არანაკლებ ძვირადღირებული შენობა. ვესპასიანემ დ ამისმა თანამოაზრეებმა წლები დაახარჯეს იმპერიის მიწების მოწესრიგებასა და დამთხვეული ნერონის მიერ დაცარიელებული ხაზინის აღდგენას. სახელმწიფო საქმეების მოგვარებასთან ერთად ვესპასიანე ასევე ზრუნავდა რომაელთა კულტურულ გართობაზე. იმპერატორმა დედაქალაქში განლაგებული ვრცელი ბაღის ადგილზე ამპითეატრის - საზოგადოებრივი...

21 Jun

იტალიური დღესასწაულები და ზეიმები

შობის დღესასწაული იტალიაში იტალიაში მოსახლეობის უმრავლესობა ღრმადმორწმუნე კათოლიკეა, შესაბამისად, შობა (აღინიშნება 25 დეკემბერს) არის მათთვის წლის ყველაზე მნიშვნელოვანი დღესასწაული. ამ დღის გამორჩეული მოვლენაა რომის პაპის მიერ ვატიკანში ჩატარებული მესა. შობას იტალიურ ოჯახებში სადღესასწაულო სუფრის გარშემო იკრიბებიან ნათესავები. ბავშვები იმ ღამით არ აპირებენ დაძინებას იმ იმედით, რომ შენიშნავენ, თუ როგორ შეიპარება მათ სახლებში ბაბო ნატალე (იტალიელი თოვლის ბაბუა) და ნაძვის ხის ქვეშ საჩუქრებს დააწყობს. ბაბო ნატალეს სახელის წარმოშობა უკავშირდება ბიზანტიელ ეპისკოპოსს მირონ-ლუკიიდან - წმინდა ნიკოლოზს. მართლმადიდებლურ კონფესიაში მას ნიკოლოზ საკვირველთმოქმედს ეძახიან. მეცნიერთა აზრით, სწორედ მისი ცხოვრების ეპიზოდებს უკავშირდება საშობაო საჩუქრების ჩუქების ჩვეულება. გარეგნულად...

14 Jun

რომის შთამბეჭდავი ტაძრები

სანტა-მარია-მაჯორე მოცემული კათოლიკური ტაძარი მდებარეობს ექსვილინის გორაკზე. ის რომის შვიდ ბორცვთაგან ერთ-ერთია, სადაც მდებარეობდა პალატინის შემდგომ უძველესი რომაული დასახლება. სანტა-მარია-მაჯორეს პაპის ბაზილიკა დაარსდა ადრეულ ქრისტიანულ პერიოდში. მისი მშენებლობის ისტორია საუკუნეთა განმავლობაში ლამაზ ლეგენდად იქცა. რომაელ ეპისკოპოს ლიბერიუსს სიზმრად ეჩვენა ქალწული მარიამი, რომელმაც მას იმ ადგილა უბრძანა ტაძრის აგება, სადაც მომდევნო დილით დაათოვდა. ახალი დღის დადგომისთანავე რომის პაპს აცნობეს, რომ ესქვილინის ბორცვი თეთრ საბანში იყო გახვეული. XIV საუკუნეში სამ ნეფიანი ბაზილიკის გვერდით ააშენეს 75-მეტრიანი სამრეკლო. ტაძრის თანამედროვე ფასადი რომანული და ბაროკოს სტილების ნაავია. მრავალი ცვლილებისა და რეკონსტრუქციის მიუხედავად, ბაზილიკამ დიდწილად შეინარჩუნა თავისი ავთენტური...

6 Jun

რომის მუზეუმები, რომელთა მონახულებისას ხალხთა სიმრავლე არ შეგაწუხებთ

პალაცო ალტემპსი პალაცო ალტემპსი - მე-16 საუკუნის სასახლეა რომში, რომელიც ხანგრძლივი დროის განმავლობაში არისტოკრატული რეზიდენციის როლს ასრულებდა. პალაცოს შემადგენლობაში შედის კერძო თეატრი, კაპელა და კოშკი-ბელვედერი. ამჟამად პალაცო ალტემპსი ასრულებს ეროვნული მუზეუმის ფუნქციას, მის განკარგულებაშია სკულპტურისა და სახვითი ხელოვნების ნიმუშთა კოლექციები. იქ ყოფნისას აღტაცებული დარჩებით ანტიკური ქანდაკებების, ჩვენს დრომდე მოღწეული ეგვიპტური სიძველის, ბერძული და რომაული არქიტექტურისა და უიშვიათესი ტილოების ხილვით. მუზეუმის საცავებში ინახება შედევრები, რომლებიც ეკუთვნოდათ წარჩინებულ რომაულ დინასტიებს. ალტემპსის კოლექცია სიძველეთა გასაოცარი ნაკრებია, რომელიც ერთ დროს ეკუთვნოდა კარდინალ მარკუს სიტიკუსს. ის შედგება ასამდე ანტიკვარული ნახატის, უძველესი ქანდაკებებისა ("ჰერკულესი", "მენადა" და "დემეტრა") და...

29 May

უფიცის გალერეაში დაცული ხელოვნების ნიმუშები

"მადონა ონისანტი" "მადონა ონისანტი" (ცნობილი აგრეთვე, როგორც "მაესტა" ან "მადონა ტახტზე") - იტალიელი ფერმწერის, ჯოტო დი ბონდონეს ნახატია, რომელიც 1306-1310 წლებში შეიქმნა და განკუთვნილი იყო ონისიანტის ტაძრის მთავარი საკურთხევლისათვის. ხელოვნების ეს ნიმუში ინახება ფლორენციაში არსებულ უფიცის გალერეაში. ტილოზე გამოსახულია ტრადიციული ქრისტიანული სიუჟეტი: მარიამ ღვთისმშობელს კალთაში პატარა მაცხოვარი უზის, მათ გარშემო კი ანგელოზები და წმინდანები ახვევიათ. ჯოტომდე იტალიური ფერწერა მკაცრად მიჰყვებოდა ბიზანტიურ კანონებს - მოუხეშავი ბრტყელი ფიგურები, განკერძოებული სახის გამომეტყველებები, სიღრმის და მოცულობის არარსებობა. ბონდონემ გადაუხვია მოცემულ ტრადიციას და თავის პერსონაჟებს "ადამიანურობა" შესძინა, რითაც ხელოვნებაში ნამდვილი რევოლუცია მოახდინა. ღვთისმშობლის ტახტის მოხატულობა გვაგონებს...

24 May

იტალიის იდეუმალებით მოცული კუნძულები, რომელთაც აუცილებლად უნდა ეწვიოთ

ფავანიანა ფავანიანა ეგადის არქიპელაგის ყველაზე დიდი კუნძულია, რომელსაც პეპლის ფორმა აქვს. იგი მდებაროებს სიცილიის დასავლეთ სანაპიროზე. უძველეს დროში ფავანიანას ერქვა ეგუზა, რაც ბერძნულიდან ითარგმნება, როგორც "თხის კუნძული". ფინიკიელებმა იქ დააარსეს ფორპოსტი, რომელიც წარმოადგენდა ხმელთაშუაზღვისპირა სავაჭრო გზების ტვირთგადასაცლელ პუნქტს I პუნიკურ ომში კართაგენთან დამარცხებამდე. ადრეულ შუა საუკუნეებში ფავანიანა დაიპყრეს არაბებმა. მათ ყველაზე მაღალ ბორცვზე ააგეს სანტა-კატერინას ციხე. მალევე კუნძული ნორმანების მფლობელობაში გადავიდა. მე-19 საუკუნეში ფავანიანა შიეძინა გემთმფლობელმა ვინჩენცო ფლორიომ. კუნძულის ღირსშესანიშნაობებიდან გამოირჩევა ბუე მარინოს და ლაჟვარდოვანი ბუხტები. ფავინიანა განთქმულია ტუფის და თინუსის მოპოვებით. მარეტიმო მარეტიმო სიდიდით მეორე კუნძულია ეგადის არქიპელაგში. მისი უმაღლესი წერტილია -...

22 May

იტალიური დესერტები, რომლებიც აუცილებლად უნდა დააგემოვნოთ

სფოლიატელე სფოლიატელე - ნეაპოლური ფენოვანი ფუნთუშაა, რომელიც გამოირჩევა ხრაშუნა ცომითა და ნაზი გულსართით. ამ ცომეულის სამშობლო კამპანიის პროვინციაა. პირველი სფოლიატელე მომზადდა მე-17 საუკუნეში სანტა როზას მონასტერში. ნეაპოლელმა კონდიტერმა პასკუალე პინტაურომ შეიძინა სფოლიატელის ორიგინალური რეცეპტი და 1818 წელს ამ ნამცხვრის გაყიდვა დაიწყო. კანოლი კანოლი - ტრადიციული სიცილიური დესერტია, რომელიც წარმოადგენს ვაფლის ხრაშუნა მილაკს ყველის (როგორც წესი, რიკოტის) გულსართით (ის გაჯერებულია ვანილის ან შოკოლადის სიროფით, ადგილობრივი ღვინის ლიქიორით ან ვარდისფერი წყლით). ტრადიციულად, სიცილიაში კანოლს ამზადებდნენ წინასააღდგომო კარნავალისათვის, დიდი მარხვის დადგომამდე. დესერტის სიგრძე და სიგანე დამოკიდებულია კონკრეტული რეგიონის კულინარიულ ტრადიციებზე. ისტორიკოსების თქმით, თანამედროვე კანოლის წარმოშობის ადგილი ქ.კალტანისეტია....

19 May

ქალაქ ამალფის საუკეთესო სასტუმროები

"Grand Hotel Convento di Amalfi" სასტუმრო იკავებს ყოფილი მონასტრის შენობას, რომელიც ფრიალო კლდის მწვერვალზე ააგეს მე-13 საუკუნეში. ტურისტებს ეძლევათ შესაძლებლობა, მოისვენონ ულტრათანამედროვე ნომრებში, სასტუმროში მათ დახვდებათ პანორამული აუზი, საიდანაც იშლება ხედი ხმელთაშუა ზღვაზე. თითოეულ ნომერში იატაკი მოპირკეთებულია ტერაკოტის ფილებით, სააბაზანო გაწყობილია მარმარილოთი. მოსახერხებელ პირობათა რიცხვში შედის ბრტყელეკრანიანი ტელევიზორი და მინი ბარი. ყოველი ნომრის სააბაზანოში დამსვენებლისათვის წარმოდგენილია აქსესუარები, კოსმეტიკური საშუალებები და თმის ფენი. სასტუმროში საუზმედ სერვირდება "შვედური მაგიდა". იქ გახსნილია ორი რესტორანი. მთავარ მათგანში, რომელსაც "La Locanda" ჰქვია, წარმოდგნილია მენიუ გურმანებისათვის, ასევე იტალიური და ხმელთაშუაზღვის კერძები. ზაფხულობით სუფრა იშლება პანორამულ ტერასაზე. სასტუმრო...

16 May

იტალიის 5 ულამაზესი მოედანი

სინიორიის მოედანი სინიორიის მოედანი მდებარეობს ფლორენციაში, ვეკოს სასახლის წინ. მას სხვაგვარად უწოდებენ "მუზეუმს ღია ცის ქვეშ". ერთ დროს იგი ფლორენციის რესპუბლიკის პოლიტიკური და კულტურული ცხოვრების ცენტრი იყო. რომის იმპერიის მმართველობის პერიოდში მოედნის ადგილას არსებობდა თეატრი. სამწუხაროდ, დღემდე ანტიკური ნაგებობის ფრაგმენტებიც ვერ შემორჩა. მოგვიანებით, იქ აღმართეს 36 კოშკი, სადაც უბერტების გავლენიანი ოჯახი ცხოვრობდა. მე-13 საუკუნის მეორე ნახევარში გიბელინებმა, წმინდა რომის იმპერიის მიმდევრებმა, მარცხი განიცადეს. ამის შემდგომ, მათი პოლიტიკური ოპონენტების (გველფების) მხრიდან გიბელინების მიმართ დაიწყო დევნა და რეპრესიები. უბერტების ოჯახის კუთვნილებაში არსებული სახლები და კოშკები საძირკვლებამდე დაანგრიეს. ამგვარად ჩამოყალიბდა ქალაქის მოედანი, რომელმაც საუკუნეების...