იაპონიის ჯგუფური ტური გიორგი კალანდიასთან ერთად

რიგით მეშვიდე ჯგუფური ტური ნოემბერში, გიორგი კალანდიას მეგზურობით, შემოგვიერთდი ამომავალი მზის ქვეყანაში, ჯგუფურ ტურში სამოგზაუროდ. გაითვალისწინეთ ადგილები ლიმიტირებულია.

16-17 ნოემბერი / დღე 1 / ტოკიო

16 ნოემბერი / გავემგზავრებით თბილისიდან 14:55-ზე, ტოკიოში ვიქნებით ადგილობრივი დროით 11:55-ზე (17 ნოემბერს), დაგვხვდება ტრანსფერი და გავემგზავრებით სასტუმროში. ნომრებში განთავსების და ცოტაოდენი დასვენების შემდეგ ქალაქის მიმოხილვითი საფეხმავლო ექსკურსია და ვახშამი (დამოუკიდებლად). დაბრუნება და ღამისთევა სასტუმროში

18 ნოემბერი / დღე 2 / ტოკიო – ქალაქის ექსკურსია

სასტუმროში საუზმის შემდეგ ტოკიოს ერთ-ერთ ყველაზე ცნობილ სავაჭრო უბანს – გინზას Ginza მიმართულებით გავისეირნებთ, რომელიც ცნობილია თავისი ძვირადღირებული მაღაზიებით / ბუტიკებით, ასევე ცნობილი კვების ობიექტებით, რესტორნებით და ღამის ცხოვრებით.

შემდეგ გზას განვაგრძობთ და შევჩერდებით 333 მეტრი სიმაღლის ტოკიოს კოშკთან, რომელიც იაპონიის ერთ-ერთი ყველაზე საკულტო ღირსშესანიშნაობაა, ასევე ტოკიოს ომის შემდგომი აღორძინებისა და მოდერნიზაციის სიმბოლოა. პარიზში ეიფელის კოშკის მოდელის მიხედვით ტოკიოს კოშკი არის როგორც საკომუნიკაციო, ასევე სადამკვირვებლო და გვთავაზობს ქალაქის პანორამულ ხედებს.

კოშკის შემდეგ კი ვესტუმრებით ინსტალაციების ინოვაციურ მუზეუმს, რომელიც ცნობილია თავისი ჩაძირული და ინტერაქტიული ციფრული ხელოვნების ინსტალაციებით, რომელიც ხიბლავს ყველა ასაკის აუდიტორიას.

ემოციებით დატვირთულნი გავემგზავრებით ჰარაჯუკუს რაიონში, გავისეირნებთ მოდურ უბან ომოტეზე, რომელსაც ხშირად მოიხსენიებენ როგორც”ტოკიოს ელისეს მინდვრებს”. ხეებით გაფორმებული გამზირი / ქუჩა განთქმულია მაღალი დონის მაღაზიებით, მოდური კაფეებითა და თანამედროვე არქიტექტურით.

ვესტუმრებით მეიჯი ჯინგუს, ეს არის ხმაურიანი ქალაქის შუაგულში მდებარე წყნარი ოაზისი, რომელიც ერთ-ერთი ყველაზე მნიშვნელოვანი და ცნობილი შინტოს სალოცავია ტოკიოში.

გავისეირნებთ ტოკიოს ერთ-ერთი ყველაზე ცოცხალ და ენერგიულ უბან შიბუიაში, რომელიც ცნობილია სავაჭრო, კვების ობიექტებით და ღამის ცხოვრებით. შიბუია არის ტოკიოს საუკეთესო კლუბების სახლი, როგორიცაა WOMB და Sound Museum Vision, სადაც შეგიძლია იცეკვოთ მთელი ღამის განმავლობაში.

შიბუიაზე  ვეწვევით ცნობილ ჰაჩიკოს ქანდაკებას, პატივი ერთგული ძაღლისადმი, რომელიც ყოველდღე ელოდებოდა პატრონს შიბუიას სადგურზე. ეს არის პოპულარული შეხვედრის ადგილი და ერთგულების სიმბოლო.

გადავკვეთავთ მსოფლიოში ყველაზე დატვირთულ ქვეითთა გადასასვლელს (გზაჯვარედინს), სადაც ერდროულად ასობით ადამიანი კვეთს ყველა მიმართულებით. აქ შექმნილი „ქაოსი“ კიძალზედ საინტერესო სანახავია.

საღამოხანს გვექნება ვახშამი, ადგილობრივ, ტრადიციულ სუშიროს რესტორანში უგემრიელესი სუშის დასაგემოვნებლად

დაბრუნება და ღამისთევა ტოკიოში

19 ნემბერი / დღე 3 / ჰაკონე და აშის ტბა

ჰაკონე, ეს არის პოპულარული საკურორტო ქალაქი, რომელიც მდებარეობს კანაგავას პრეფექტურაში, ცნობილი თავისი ცხელი წყლებით, ბუნებრივი სილამაზითა და კულტურული ღირსშესანიშნაობებით, რას ვნახავთ/გავაკეთებთ ჰაკონეში:

* ჰაკონეს ღია ცის ქვეშ მუზეუმი: აქ ვნახავთ მთელს მსოფლიოში ცნობილი მხატვრების მიერ წარმოდგენილ თანამედროვე და თანამედროვე სკულპტურების უზარმაზარ კოლექციას, ულამაზეს ბაღებს და პეიზაჟებს.

* ოვაკუდანის ველი: ვულკანური ველი აქტიური გეოთერმული აქტივობით და გოგირდის წყლები.

* ჰაკონეს საბაგიროდან დავტკბებით ხეობისა და ფუჯის მთის განსაცვიფრებელი ხედებით.

* მსურველებს შესაძლებლობა გექნებათ დააგემოვნოთ გოგირდის ცხელ წყაროებში მოხარშული Kurotamago კურო-ტამაგო, ეს აქაურობისთვის პოპულაურლი, აუცილებლად დასაგემოვნებელი შავი კვერცხებია, რომელსაც წყაროს წყლების სიცხეში ორთქლზე ადუღებენ, რაც მოხარშვის შემდეგ, მას მისთვის დამახასიათებელ სუფთა-შავ ნაჭუჭს აძლევს. ასეთი ლეგენდაა: – ერთ კვერცს მაინც თუ მიირთმევ, სიცოცხლე შვიდი წლით გაგიხანგრძლივდებაო.

* ჰაკონე-ჯინჯას სალოცავი: მდებარეობს აშის ტბის სანაპიროზე, აშენებულია აშის ტბის ნაპირზე 1260 წელზე მეტი ხნის ისტორიით და ცნობილია თავისი საკულტო ისტორიის კარიბჭით, რომელიც ტბაზე ცურავს. სწორედ ამ ადგილიდან იშლება ულამაზესი ხედები და გვექნება შესაძლებლობა საოცარი ფოტოსესიის მოსაწყობად.

* აშის ტბა (აშინოკო): ვულკანური აქტივობის შედეგად წარმოქმნილი თვალწარმტაცი ტბა, ნათელ დღეებში გვთავაზობს მთა ფუჯის ულამაზეს ხედებს.

* კრუიზი: საბრძოლო ხომალდებით შთაგონებული (ან ტრადიციული) ინტერიერით გაფორმებული გემით გვექნება კრუიზი აშის ტბაზე, და გვექნება შესაძლებლობა დავტკბეთ მთა ფუჯის შესანიშნავი ხედით, რომელიც ირეკლება ტბის სუფთა ზედაპირზე და ტბის მიმდებარე ულამაზეს ბუნებაზე.

დაბრუნება და ღამისთევა ტოკიოში

20 ნეომბერი / დღე 4 /  კამაკურა

ამ დღეს გვექნება გასვლითი ექსკურსია ისტორიული და უძველესი ტაძრების ქალაქ კამაკურაში, რომელიც მდებარეობს კანაგავას პრეფექტურაში, ტოკიოს სამხრეთით. კამაკურა ცნობილია თავისი მდიდარი კულტურული მემკვიდრეობით, ულამაზესი ტაძრებითა და ბუნებრივი პეიზაჟებით და პოპულარული ადგილია, როგორც ტურისტებისთვის, ასევე ადგილობრივებისთვის. ქალაქში არის მრავალი ტაძარი, სალოცავი და ისტორიული ადგილი, რომლებიც ასახავს იაპონიის კულტურულ და რელიგიურ ისტორიას.

კამაკურაში მოვინახულებთ:

* ცურუგაოკა ჰაჩიმანგუს სალოცავს: – ეს მთავარი შინტოს სალოცავი ეძღვნება ჰაჩიმანს, სამურაების მფარველ ღვთაებას. სალოცავის ტერიტორიაზე ვნახავთ ხიდებს და ისტორიულ ნაგებობებს;

* Engaku-ji Temple: – გამოჩენილი ზენის ბუდისტური ტაძარს,  დიდი ზარით და ლამაზი ბაღებით, ასახავს ზენ ბუდიზმის სტილსა და პრინციპებს, რომელიც დაარსდა 1282 წელს.

* დიდი ბუდა (დაიბუცუ): ჰასე-დერას ტაძარში მდებარე მასიური ბრინჯაოს ქანდაკება დაახლოებით 13,35 მეტრზე სიმაღლისაა, რომელიც აშენდა 1252 წელს და არის კამაკურას საკულტო სიმბოლო და მთავარი ღირსშესანიშნაობა.

* Hase-dera Temple: – ცნობილია Kannon-ის (მოწყალების ქალღმერთის) დიდი ქანდაკებით, ულამაზესი ბაღებითა და კამაკურას პანორამული ხედებით. მოიცავს ულამაზეს ბაღს და მუზეუმს ბუდისტური არტეფაქტებით.

* ჰოკოკუ-ჯი ტაძარი (ბამბუკის ტაძარი): – ტაძარს ასევე აქვს ტრადიციული ჩაის სახლი, სადაც შეგიძლიათ მიირთვათ ჩაი ბამბუკის ტყის ხედით.

საღამოხანს დაბრუნება ტოკიოში და თავისუფალი დრო / საღამო

ღამისთევა ტოკიოში

21 ნეომბერი /  დღე 5 /  ტოკიო

სასტუმროში საუზმის შემდეგ გავემგზავრებით (მეტრო/ავტობუსი) 634 მეტრი სიმაღლის ტოკიოს სამაუწყებლო ტელეანძაზე (tokyo skytree) ასასვლელად, რომელიც არის ყველაზე მაღალი  ნაგებობა იაპონიაში და სიმაღლით მეორე მსოფლიოში, საიდანაც გვექნება საშუალება დავტკბეთ ტოკიოს პანორამული ხედებით.

გზას ლამაზი ადგილებით ცნობილ უბან ასაკუსაში განვაგრძობთ, რომელიც ცნობილია ასევე მდიდარი კულტურული მემკვიდრეობით, ისტორიული ადგილებით და ცოცხალი უბნებით. ასაკუსა პოპულარული და საყვარელი ადგილია ისეთი ტურისტებისთვის, რომლებიც ცდილობენ შეიგრძნონ ტრადიციული იაპონური კულტურა.

შემდეგ კი ვესტუმრებით სენსო-ჯის ტაძარს, რომელიც ტოკიოს უძველესი და ყველაზე ცნობილი ბუდისტური ტაძარია, რომელიც ყოველწლიურად მილიონობით ვიზიტორს იზიდავს. სენსო-ჯის ტაძრის გვერდით მდებარეობს შინტოს სალოცავი, რომელიც ცნობილია თავისი ყოველწლიური Sanja Matsuri ფესტივალით.

სენსო-ჯის ტაძრის მონახულების შემდგომ (ნაშუადღვს) გვექნება თავისუფალი დრო საყიდლებისთვის / ღამისთევა ტოკიოში.

22 ნეომბერი / დღე 6 / ტოკიო – კიოტო, ქალაქის ექსკურსია

ტოკიოს სასტუმროში დილაადრიან, საუზმის შემდეგ დავტოვებთ ნომრებს და წავალთ ტოკიოს სადგურამდე, საიდანაც სწრაფი მატარებლით კიოტოს მიმართულებით გავემგზავრებით და 475 კილომეტრის დასაფარად დაგვჭირდება 2 საათი 12 წუთი. კიოტოს სადგურიდან ტრანსფერი ჩვენს სასტუმრომდე. ნომრებში განთავსების და ცოტაოდენი დასვენების / სადილის შემდეგ გვექნება საფეხმავლო ექსკურსია:

* კიომიძუ-დერა – კიომიზუ დერა:

ტაძარი განსაკუთრებით ლამაზია ალუბლის ყვავილობისა და შემოდგომის ფოთლების სეზონზე, ტაძრის მთავარი დარბაზის გამოსასვლელიდან კი იშლება კიოტოს ულამაზესი პანორამული ხედები.

* კიომიძუ-შორო (ზარის სამრეკლო) დაარსდა 778 წელს და შეტანილია იუნესკოს მსოფლიო მემკვიდრეობის ძეგლთა დაცვის სიაში.

* ნინენზაკა და სანენზაკას ისტორიული მნიშვნელობის და ქვით მოპირკეთებული საცალფეხო ქუჩები, ცნობილი თავისი არქიტექტურით.

*  იასაკას სალოცავი: გიონის სამხრეთ ბოლოში მდებარე იასაკას სალოცავი არის მთავარი შინტოსული სალოცავი, რომელიც ცნობილია თავისი ძლიერი ფესტივალებით, განსაკუთრებით გიონ მაცური ივლისში. სალოცავის ტერიტორია დიდია და მოიცავს ულამაზეს ბაღებსა დაისტორიულ ნაგებობებს.

* გიონის უბანი: ეს არის ადგილი, სადაც შეგიძლიათ შეიგრძნოთ ძველი კიოტოს ისტორიული ატმოსფერო, შეხვდეთ საღამოხანს ქუჩებში მოკუსკუსე გეიკოს (კიოტოს დიალექტი – გეიშას) დამაიკოს (შეგირდ გეიშას).

* ჰანამიკოჯის ქუჩა: გიონის გული, ტრადიციული ხის მაჩიას სახლები დღემდე ფუნქციონირებს, როგორც რესტორნები, ჩაის სახლები და ექსკლუზიური დაწესებულებები გეიკოს გასართობისთვის. ეს გიონის ყველაზე ცნობილი ქუჩაა და განსაკუთრებით ლამაზია საღამოობით, როცა ლამპიონებია ანთებული.

დაბრუნება და ღამისთევა კიოტოს სასტმროში

23 ნეომბერი / დღე 7 / კიოტო – ქალაქის ექსკურსია

მთელი დღე კიოტოში, ეს არის ქალაქი, რომელიც მდიდარია ისტორიით, კულტურით, ბუნებრივი სილამაზით და მრავალი ატრაქციონებით.

სასტუმროში საუზმის შემდეგ ვესტუმრებით ნიშიკის ბაზარს, რომელიც კიოტოს ერთ-ერთი ყველაზე ცნობილი ტრადიციული კვების ბაზარია და მას ხშირად მოიხსენიებენ როგორც“კიოტოს სამზარეულოს”.

ბაზარს 400 წელზე მეტი ხნის ისტორია აქვს, რომელიც მე-14 საუკუნის დასაწყისში დაიწყო, როგორც თევზის ბაზარი, შემდგომ კი დროთა განმავლობაში გადაიქცა სრულ მასშტაბიან ბაზრად საკვები პროდუქტების (ადგილობრივი დელიკატესების) დიდი ასორტიმენტის გამო. აქ შეგვიძლია მივირთვათ/ვიყიდოთ: ცოცხალი ზღვის პროდუქტები, ბოსტნეულის მწნილი(ცუკემონო), მაჩა და ჩაის პროდუქტები, იაპონური დანები და ა.შ.

შემდეგი მოსანახულებელი ადგილი – ნიჯოს ციხე, რომელიც კიოტოს ერთ-ერთი ყველაზე შთამბეჭდავი ისტორიული ღირსშესანიშნაობაა და აღიარებულია იუნესკოს მსოფლიო მემკვიდრეობის ძეგლად. 1603 წელს აშენებული ციხე განთქმულია ულამაზესი ბაღებით დაშთამბეჭდავი არქიტექტურით, რომელიც კიოტოს რეზიდენციას ემსახურებოდა.

კინკაკუ-ჯი, ცნობილია როგორც ოქროს პავილიონი და არის კიოტოს ერთ-ერთი ყველაზე ცნობილი და საკულტო ღირსშესანიშნაობა. ეს არის ზენის ბუდისტური ტაძარი, რომელიც თავდაპირველად აშენდა 1397 წელს შოგუნი აშიკაგა იოშიმიცუს მიერ, როგორც საპენსიო ვილა. პავილიონი ცნობილია განსაცვიფრებელი ზედა ორი სართულით დაფარული ოქროს ფოთლით. პავილიონის არქიტექტურა აერთიანებს შინდენის, სამურაის და ზენის სტილის ელემენტებს, თითოეული სართული წარმოადგენს განსხვავებულ არქიტექტურულ მიდგომას.

კინკაკუ-ჯიში ვიზიტის შემდგომ დავბრუნდებით ჩვენი სასტუმროს სიახლოვეს მდებარე ჰიგაშიამას უბანში, რომელიც არის კიოტოს ერთ-ერთი ყველაზე კარგად შემონახული ისტორიული უბანი და შესანიშნავი ადგილია ტრადიციული ძველი კიოტოს გასაცნობად, სადაცვიწრო ჩიხები, ხის შენობები და ტრადიციული სავაჭრო მაღაზიები ქმნის ძველი დედაქალაქის წარმოდგენას, სადაც მრავლადაა პატარა მაღაზიები, კაფეები და რესტორნები, რომლებიც საუკუნეების განმავლობაში ემსახურებიან ტურისტებს, აქ შეგვიძლია შევიძინოთ იაპონური ჭურჭელი, ტკბილეული, ხელნაკეთობები და სხვა სუვენირები.

თავისუალი საღამო და ღამისთევა კიოტოს სასტმროში

24 ნოემბერი / დღე 8 /  კიოტო – ოსაკა

სასტუმროში საუზმის შემდეგ გავემგზავრებით ოსაკას მიმართულებით, სადაც მოვინახულებთ ოსაკას ციხეს, რომელიც იაპონიის ერთ-ერთი ყველაზე ცნობილი ღირსშესანიშნაობაა, გარშემორტყმული ულამაზესი პარკით. გვექნება შესაძლებლობა დავტკბეთ ქალაქის პანორამული ხედებით, გავისეირნოთ ნიშინომარუს ბაღში, რომელიც განსაკუთრებით განსაცვიფრებელია ალუბლის ყვავილობის სეზონზე, თუმცა, ულამაზესია შემოდგომის ფოთოლცვენის დროს.

25 ნოემბერი / 9 დღე / კიოტო: ნარა – ბამბუკების ტყე

სასტუმროში საუზმის შემდეგ გავემგზავრებით ბამბუკების ტყეში (იგივე Arashiyama Bamboo Grove), რომელიც ერთ-ერთი ყველაზე ზღაპრული და ფოტოგენური ადგილია იაპონიაში. ტყე არ არის დიდი, მაგრამ საოცრად შთამბეჭდავია. ბამბუკების უზარმაზარი, სწორ მწკრივებში დადგმული ხეები ისეთ განცდას გიქმნიან, თითქოს ფილმში აღმოჩნდი.

ნაშუადღევს კი გავემგზავრებით ნარაში, რომელიც იაპონიის უძველესი დედაქალაქი, კულტურული და ისტორიული მნიშვნელობით მდიდარი ქალაქია. ნარა ცნობილია თავისი კარგად შემონახული ტაძრებით, სალოცავებითა და ულამაზესი პარკებით.

* კოფუკუ- ჯის ხუთსართულიანი ტაძრის კომპლექსი პაგოდით, სიმაღლით მეორე იაპონიაში. ისტორიული ეროვნული საგანძურის მუზეუმია, სადაც განთავსებულია მნიშვნელოვანი ბუდისტური ქანდაკებები და არტეფაქტები.

* ტოდაი-ჯი ტაძარი იუნესკოს მსოფლიო მემკვიდრეობის ძეგლთა დაცვის სიაშია და იაპონიის ერთ-ერთი ყველაზე ცნობილი ტაძარია

* ბუდას დიდ დარბაზში (დაიბუცუდენში) განთავსებულია ბუდას უზარმაზარი ბრინჯაოს ქანდაკება და ნანდაიმონის კარიბჭე თავისი შთამბეჭდავი მფარველი ქანდაკებებით.

* ნარას პარკი: ნარას ცენტრში მდებარეობს ნარას პარკი, სადაც ათასზე მეტი თავისუფლად მოძრავი ირემი ბინადრობს, რომელთა კვება სპეციალური ირმის კრეკერებით (shika senbei)-იაშესაძლებელი, გაზაფხულზე ალუბლის ყვავილებით ხოლო შემოდგომაზე ფოთლებით.

* კასუგა ტაიშას სალოცავი: იუნესკოს მსოფლიო მემკვიდრეობის ძეგლი და მნიშვნელოვანი შინტოს სალოცავია. აქ ნახავთ ასობით ბრინჯაოს და ქვის ფარანს, რომლებიც ანთებულია მხოლოდ ფარნების ფესტივალის დროს, რომელიც იმართება თებერვალსა და აგვისტოში

დაბრუნება და ღამისთევა კიოტოს სასტუმრო

26 ნოემბერი / დღე 10 / კიოტო – ტოკიო

სასტუმროში საუზმის შემდეგ, კიოტოს სადგურიდან გავემგზავრებით ტოკიოში სწრაფი მატარებლით აეროპორტის მიმართულებით. ტურის დასასრული და ფრენა (17:00 სთ-ზე), დაბრუნება სამშობლოში 27 ნოემბერს 13:25 სთ-ზე

მოგზაურობის პერიოდი:  17-26 ნოემბერი

 ფრენა კატარის ავიახაზებით: თბილისი – დოჰა – ტოკიო და ტოკიო – დოჰა – თბილისი

 5 ღამე ტოკიოს სასტუმროში განთავსება

4 ღამე კიოტოს სასტუმროში განთავსება

 საუზმე სასტუმროში

 ვახშამი სუში-რესტორანში

ბილეთები:

ტოკიოს კოშკი (Tokyo Skytree)

ციფრული ხელოვნების მუზეუმი (TeamLab)

სწრაფი მატარებელი (შინკანსენი) ტოკიოდან – კიოტომდე

სწრაფი მატარებელი (შინკანსენი) კიოტოდან – ტოკიოს აეროპორტამდე

შიდა გადაადგილების დროს გამოყენებული ყველა ბილეთი, იქნება ეს მეტრო თუ ავტობუსი

 ჰაკონეს საბაგირო

 აშის ტბის კრუიზი

 კინკაკუ-ჯი, ოქროს პავილიონი

 ნიჯოს ციხე

 ღია ცისქვეშ მუზეუმი

 ტოდაი-ჯის სალოცავი

 ოსაკას ციხე

სხვადსხვა:

მეგზური, გიორგი კალანდიას მომსახურება
 ტოკიოში მცხოვრები ადგილობრივი ქართველი გამყოლის მომსახურება (კამაკურასა დაჰაკონეზე)

 სამოგზაურო დაზღვევა

 ქალაქის მოსაკრებელი

 სავიზო მომსახურება

 ტრანსფერი / ტრანსპორტი:

 ტოკიოს აეროპორტიდან სასტუმრომდე (ტრანსფერი)

 ტოკიოს ქალაქის ექსკურსია (ავტობუსით ან მეტროთი გადაადგილება )

 ტოკიოს სასტმროდან კამაკურაზე წასვლა და დაბრუნება ტოკიოს სასტუმროში (ავტობუსით მომსახურება მთელი დღე)

 ტოკიოს ქალაქის ექსკურსია (ავტობუსით ან მეტროთი გადაადგილება)

 ტოკიოს სასტმროდან ჰაკონე, აშის ტბა, კრუიზი და დაბრუნება ტოკიოს სასტუმროში (ავტობუსით მომსახურება მთელი დღე)

 ტოკიოს სასტუმროდან ტოკიოს მატარებლის სადგურამდე (ავტობუსით მომსახურება)

კიოტოს მატარებლის სადგურიდან კიოტოს სასტუმრომდე და უკან (ავტობუსით მომსახურება)

 კიოტოს სასტმროდან ოსაკა-ნარა წასვლა და დაბრუნება კიოტოს სასტუმროში (ავტობუსით მომსახურება მთელი დღე)

კიოტოს სასტუმროდან კიოტოს მატარებლის სადგურამდე (ავტობუსით მომსახურება)